张继聪（阿聪）早前和囡囡Kakaball父女档合作拍广告，而最新推出的广告片中，阿聪太太谢安琪（Kay）亦告强势加盟，一家三口寓工作于家庭乐。一向是圈中模范夫妇的阿聪和Kay在广告片中吵大镬，Kay更扬言要带同囡囡离家出走，阿聪一向好戏，故和Kay拍闹交戏当然冇难度，而值得一赞是连6岁的Kakaball都一样“交到戏”扮作被吓呆！拍摄后阿聪和Kay一起在片场回看片段，亦大赞囡囡“反应快”够淡定！

阿聪与Kay表示很高兴可以与Kakaball齐拍广告，Kay更大呻陪子女时间相对地少，因平日囡囡忙于上学和参加不同兴趣班，自己的工作又忙，想把握与子女相处的机会：“佢哋转眼间长大，有自己嘅世界，我哋作为父母会全力支持佢哋，喺各方面为Kakaball、哥哥预备最好，畀佢哋自由发展！”

当问及16岁的哥哥张瞻（James）近况，两人表示忙于为仔仔“做功课”：“要为佢将来升学做好准备，虽然唔舍得，但我哋好尊重James长大后有自己嘅想法，喺背后一直支持佢。”阿聪则笑指未来2、30年都要努力工作：“冇谂过计划升学嘅手续咁繁复，需要做唔少资料搜集，预计未来要使好多钱，但我都会尽我所能支持个仔实现理想，做佢最强大后盾！”