▲视后人数太多，放唔晒

关于TVB视帝视后你了解多少？

TVB今年是台庆迈向50周年颁奖礼

那些获得“之最”的视帝视后你知道多少？

最大反差视帝

郭晋安

——

获奖履历：

2014年 《忠奸人》、2005年《阿旺新传》、2003年《憨夫成龙》

2014年郭晋安凭借《忠奸人》嘅

高哲行一角第三次夺得视帝，

追平罗嘉良同黎耀祥，而喺所有视帝之中，

郭晋安夺视帝嘅角色可以算系最大反差。

郭晋安前两次夺视帝都系

凭借天真可爱嘅“傻仔阿旺”，

而《忠奸人》嘅高哲行反而系表面谦和正义，

内心黑暗扭曲嘅大律师。

不过最令人印象深刻嘅反派系

《与敌同行》之中嘅唐立言，

角色奸得出汁，最后入狱都不知悔改，

一个眼神就系可以令人不寒而栗。

▲当年几多人畀结局呢幕吓亲

最爆冷视帝

黄子华

——

获奖履历：

2013年《MY 盛 LADY》

大家应该仲有印象，2013年嘅视帝角逐，

好多人都以为视帝应该系

台庆剧《冲上云霄2》张智霖或者吴镇宇当选

点知最后竟然系黄子华爆冷夺得视帝！

仲要喺颁奖礼上，黄子华系缺席冇到。

而最搞笑嘅系，宣布视帝系黄子华之后，

Do Do姐现场打电话连线黄子华，

黄子华第一句就系

“Do Do姐？哇~你好似一两年冇打过电话俾我啦喔。”

得知自己夺得视帝之后，黄子华又讲：

“最佳男主角即系咩啊，

系咪即系视帝啊？定视后？

咁点解我会攞咗个最佳男主角啊？

系咩人去选我出嚟噶？”

科普：2013年之后，TVB颁奖典礼最佳男主角、最佳女主角、最佳剧集嘅评选制度变成：由观众投票（民选票数）及逾八百人组成嘅专业评审（无线内部票数）投票，以各占一半评分选出。

之所以话黄子华得奖系爆冷门，

唔系话剧集唔好睇或者黄子华演技太差，

最大原因莫过于系颁奖礼举行嘅时候，

《MY 盛 LADY》都未播完，

又唔系台庆嘅力推剧集，

反而最后视帝花落黄子华，

真系呢几年颁奖典礼最大嘅冷门。

最辉煌视帝

罗嘉良

——

获奖履历：

1997年《难兄难弟》

1998年《天地豪情》

2002年《流金岁月》

1997年，

TVB举行第一届万千星辉颁奖典礼，

罗嘉良凭借大热剧《难兄难弟》中

“李奇”一角获得第一个视帝奖座

（顺便提下，TVB第一个视后系关咏荷），

之后1998年，

罗嘉良凭借《天地豪情》再获视帝，

连庄视帝成为一时佳话。

到2002年，《流金岁月》

令罗嘉良斩获人生中第三个视帝讲座，

成为TVB首个三届视帝，

一直到黎耀祥喺2012年先追平。

目前视帝记录

三届：郭晋安、罗嘉良、黎耀祥

两届：古天乐、郑嘉颖

目前视后记录

两届：邓萃雯（连届）、佘诗曼、汪明荃

获得三届视帝之后，

罗嘉良被封为TVB一哥，风头一时无两。

罗嘉良嘅演技不容置疑，收放自如，

举手投足都可以将角色演得入木三分，

所以话三届视帝，实至名归。

罗嘉良获三届视帝嘅几年，

除咗系罗嘉良嘅事业巅峰期，

同时亦都系TVB最后嘅辉煌期。

而喺罗嘉良离开后嗰几年，TVB开始走向衰落。

几年之后，罗嘉良返TVB拍《富贵门》，

剧集质量同影响已经不复当年，

《富贵门》可以话系

TVB妄想复制自己巅峰嘅失败之作。

最破天荒连庄视帝视后

黎耀祥、邓萃雯

——

获奖履历：

2010年《义海豪情》、2009年《巾帼枭雄》

TVB历史上出过一对，

同时系唯一一对连庄嘅视后视帝，

仲要系视帝视后均出自同一部剧集，

就系邓萃雯同黎耀祥。

2009年《巾帼枭雄》系颁奖礼嘅最大赢家，

2010年《义海豪情》继续称霸颁奖礼，

视帝黎耀祥同视后邓萃雯破天荒双双蝉联，

可以话史无前例。

《巾帼枭雄》同《义海豪情》

令黎耀祥从两三线演员，马上升为一线大咖，

从此成为TVB嘅头牌男一号，

担纲出演多部台庆剧。

而邓萃雯更加唔使讲，

心目中简直系称神，

近十年最中意嘅TVB女主角，

九姑娘永远系第一位。

最具争议视帝

郑嘉颖

——

获奖履历：

2006年《天幕下的恋人》、2011年《怒火街头》

2006年嘅时候，

郑嘉颖凭《天幕下的恋人》获得首个视帝，

瞬间骂声四起，无数质疑声指向佢，

觉得佢未够资格，评选肯定有黑幕。

其实都难怪外界咁批评，

毕竟当年入围视帝嘅系下边呢啲人。

2006年最佳男主角五强

郑嘉颖《天幕下的恋人》

林 峰 《女人唔易做》

林保怡《火舞黄沙》

陈 豪 《火舞黄沙》

马德钟《凤凰四重奏》

一方面《女人唔易做》系年度话题剧，引发全城热议，而《火舞黄沙》更加系重推嘅台庆剧集一众《金枝欲孽》班底出演，《凤凰四重奏》虽然相对较弱，但系都算系有深度嘅跨年代剧。

而《天幕下的恋人》只可以算系青春爱情剧，而且收视仲要几乎垫底。

另一方面，林保怡、陈豪系《火舞黄沙》嘅演技真系好，成为视帝嘅大热门，林峰同马德钟虽然相对较弱，不过佢哋系戏入边嘅演技明显有进步。

而郑嘉颖喺《天幕下的恋人》嘅角色沈朗，完全系偶像剧男主角，小生角色，冇乜亮点又冇乜突破，点睇挪视帝都未轮到佢啦。

所以知道公布视帝得奖者嘅时候，

郑嘉颖嘅表情一啲都唔开心。

之后，郑嘉颖承受咗好多负面攻击，

被称为演技最差、最冇含金量嘅TVB视帝，

而到咗2011年，

郑嘉颖终于打咗一场漂亮嘅翻身仗，

凭借《怒火街头》再获视帝。

郑嘉颖脱胎换骨嘅演技感染咗观众，

使得佢以大票数当选三料视帝，

今次终于再冇人质疑佢嘅演技，

再冇人话佢个奖系黑幕。

今次实至名归，拿奖笑到见牙唔见眼

争夺最激烈视后

黎姿

——

获奖履历：

2004年《金枝欲孽》

2004年，

宫斗剧始祖《金枝欲孽》横空杀出，

引起全国上下嘅追捧，

被誉为中国宫斗剧嘅巅峰之作，

之后嘅《甄嬛传》都冇办法超越佢嘅地位。

《金枝欲孽》入边嘅女性角色，

各具特色，个个经典，

所以嗰一年嘅视后争夺，

亦都系有史以来最激烈。

大热门分别系邓萃雯、黎姿、佘诗曼，

嗰时有传言黎姿同佘诗曼代表咗

TVB高层曾励珍、乐易玲两派势力，

所以边方得视后，说明边派势力大。

最后当选嘅系黎姿

呢个奖项，成为佢离巢之前

获得嘅第一个同最后一个视后。

最无须证明视帝

欧阳震华

——

获奖履历：

2000年《洗冤录》

提到欧阳震华，

必然第一反应系佢嘅TVB剧集嘅角色，

《醉打金枝》郭暧、《陀枪师姐》陈小生、

《洗冤录》宋慈、《法证先锋》高彦博、

《赌场风云》嘅齐欢畅等等。

不过，实际上欧阳震华喺TVB咁多年，

只获得过一次视帝，

就系喺2000年凭《洗冤录》斩获视帝，

之后一直提名，一直落选。

欧阳震华演技唔差，而且观众缘又好，

好多观众，都会觉得佢剩系攞好可惜。

但系认真惗下，

TVB咁多有实力嘅演员中，

都有好多从未攞过视帝视后，

比如江华、张智霖、林峯等，

咁我哋就会觉得佢哋唔应该继续做演员咩？

其实，

奖项从来唔系证明演员演技嘅唯一途径。

演艺界依然有好多隐藏嘅视帝视后，

可以攞奖固然系锦上添花嘅荣耀，

就算冇奖，我哋依然咁敬佩感激佢哋嘅付出。

你哋心目中嘅视帝视后人选又系边个？

历年视帝视后，你哋最中意边个？

留言话比我知啦！